Act 28 | TPZ | STEP | Emöm to takin vavih em sinin, ka napan va pa to pamëh soe ka möm a ö nemöm to teß e nem Maltaß.

aAis 6:9-10

Acts 28

E Pöl To Vos En Pa To Maltaß

1 Emöm to takin vavih em sinin, ka napan va pa to pamëh soe ka möm a ö nemöm to teß e nem Maltaß. 2 A napan va pa vöön pamëh to pah vaßaus vavih ee pemöm, a uhön to nusnus non ka muhin tuvuh vörep, ivëh, kee vaës ka möm a suraß möm se maßkis. 3 E Pöl to kokon non a ma ö suraß to vaës, ka kuruß tavus maß to haraß o suraß, ko kot en pa koren e Pöl ko han e non. 4 A napan varih vöön to ep a kuruß to han non pa koren e Pöl, pare soe ke ra ma meh pee pan, “A teß vëh, eß a teß ipip teß to hikta mët maß manih tahiß, ivëh, ke sosoenën a ëhnaneah A Taateß Vih hikta se nis non poan keß teß toßtoß non.” 5 Ke Pöl mitök en pa kuruß manuh po suraß, a hikta henen rivon a kuruß manih pa koreneah. 6 A napan to ut ne, pan a koreneah se sup, me eß se vuß en a mët manuh po oeh. Ivëhkëk, ee to anoeh varë ee, ko hikta ep in ta tah to tavus manih peß. Ko kokoman pee panih, kee soe pan, “Eß a pah sosoenën!”

7 A ö oeh to teß non pa vöön pamëh ne Publius a teß apuh va pa to pamëh to vaneah non. E voe pamëh to vaoe a möm manuh pa iuun peß, ko matop vavih e non pemöm komön o kukön poen. 8 E taman e Publius to koroh non tevan to haraß non a hiinana me a to. Ke Pöl nö manuh peß ko vahoß a koren manih peß, ko hin vaßaus en peß ka hiinana me a to hik hah këh ee peß, keß vih hah en. 9 A teß pamëh to vih hah, ka ma meh teß va pa to pamëh to haraß ne a ma kamis, ee me to nö ee maß manih pe Pöl keß vavih hah en pee. 10 A napan va pa vöön pamëh to matop vavih e ne pemöm, pare heß vaßaus a möm pa ma tah möm to kökööt nem. Ko poen nemöm se nö em, ee to heß a möm a ma tah nemöm to kökööt nem, kemöm vatok manih po paröß.

E Pöl To Taneß Maltaß Ko Vos Room

11 Emöm to teß em pa kukön sivö manih pa To va Maltaß, pamöm tok po paröß va Alëksëndriaß to teß voh non Maltaß po poen no a tuvuh apuh to ipip non. Manih po matan in o paröß a poa tanöß nës pe sosoenën Këstaß, me Poluks to teß ne. 12 Emöm to nö ko vos em vöön Sirakius, ko teß em nën po kukön poen. 13 Ko taneß Sirakius ko nö pamöm vos em vöön Regium. Po meoh poen a tuvuh to ip maß, ko vapöök poen emöm to vos em pa ö oho po paröß a ëhnan a vöön pamëh Puteoliß. 14 Manih Puteoliß nemöm to taum a ma napan va po vaman nën, kee hi a möm pa teß vaßpeh me raoe po pöh nënkikiu. Vasuksuk, emöm to suk a hanan to vos non vöön apuh vëh Room. 15 A kën kea va po vaman to teß ne Room to tënan a ö nemöm to nö maß, pare öhön ee maß pemöm manih pa Ö Totoaan Va Apius me a meh vöön nee to popokaß ne a Kukön Iuun Ananoeh Teß. E Pöl to ep raoe, pareß kon kikis hah en, pareß vavihvih ke Sosoenën.

E Pöl To Vos En Room

16 Po poen nemöm to vos em vöön Room, ka kaman vaonöt ken pe Pöl pa ö neß se teß koman non pa iuun, vaßpeh me a teß utut to ut non poan. 17 O kukön poen to oah ee, ke Pöl vaoe en pa ma teß susunön po Jiuß manih Room. Ee to tönun ee maß, keß soe ke raoe pan, “Kën kea peöß, eöß hikta nok voh ta hat to vöknah non a napan pea me a taateß na to kon taneß voh pa kën sipuura. Ivëhkëk, a nap susunön po Jiuß to vanö voh a neoß pa nohnoh manuh Jerusalëm, pare vanö pet ee peöß manuh pa koreera nap susunön pa kaman va Room varih to teß ne manih pa muhin va Jiutiaß. 18 Ee to hi a neöß a ma hi, ko iu vahah e ne peöß, suk ee to hikta taum ta pah hat nöß to nok, to onöt non a ö söß mët. 19 Ivëhkëk, o Jiuß to rës voh e ne, ivëh, köß hin a ö no a teß sunön e Sisaß se tënan o vöhioß peöß. Eöß hikta teß noß ta tah nöß se vateß suk a ma napan peöß po vöhioß. 20 Eß vaßih a pusun in a vaoe peöß, marën a soe vanat a neöm. Eöß to teß noß pa nohnoh, suk a teß vëh e Ieesuß ne ea a napan va Israël to vaman no, para anoeh voh no.

21 A nap susunön po Jiuß to soe ke Pöl pan, “Emöm hikta kon to pöh kiun no a to Jiuß to vanö maß suk eën, me a hikta teß to vahutët ka möm ta tah hat manih pën. 22 Ivëhkëk, emöm to iu tënan nem po kokoman pën, pa tah sën soe. Emöm to nat e nem, pa ma vöön kurus a napan to rës e ne po vakum voon vëh, nën to teß hop nom nee to popokaß ne a Hanan pe Ieesuß.

23 Ivëh, kee vateß ee po pöh poen vatönun pee, ka nap peo rakah to nö maß pa iuun vëh ne Pöl to teß non. Taneo non pa pöstakah ko öök non pa matanpoen e Pöl to vamaaka ke non raoe a Matop Vih pe Sosoenën. Eß to kon taneß a soe po Vavaasis pe Mosës me o Vavaasis po Teß Vanënën Soe, pa kunkuin o kokoman pee, pan ee se vaman e Ieesuß. 24 A ma paeh to vaman ee pa soe pe Pöl, ivëhkëk, o meoh upöm a hik. 25 Ivëh, ka napan varih to hikta vapöh kokoman ne nö ee e Pöl he heß momoaan en pee pa soe pa ö neß to soe pan, “A Tuvuh Vasioß to soe voh ken pa kën sipuura manih pa rivon a teß vanënën soe e Aisaëaß. 26 Pa ö neß to soe pan,

‘Nö, parën soe ke a napan varih,
Eöm se pënton,
paröm pënton vatëh e nem,
ivëhkëk, eöm hikta se maaka nem.
Eöm se ep,
paröm ep vatëh e nem,
ivëhkëk eöm hikta se ep nem.
27 Suk ma kupu pa napan to vösvös,
ka tenëëre to rës e ne pa pënton tah soe.
Ka matëëre makus e non.
Ee tomeß ep ta tah.
A tenëëre tomeß pënton ta tah.
O kupu pee to meß maaka in ta tah.
Kee tarih hah maß manih peöß.
Köß vavih hah raoe.
E Sosoenën to soe va nën.’” ^a
28 Ivëh, ke Pöl soe pan, “Eöm se nat nem, a kiu vih vëh ne Sosoenën to heß marën a kon hah a ra, e Sosoenën to heß en pa soe manuh pa ma meoh upöm teß varih to hikta teß ne pan ee ro Jiuß. Ee se tënan a soe!” E Pöl to soe vamanih, ko Jiuß heve ko vanönö ee.

30 O pöök kirismas ne Pöl to teß non iuun, ko vonvoen ke non e tövaneah, pareß vaßaus rakah e non pa ma napan to nönö ne maß manih peß. 31 Eß to sosoe tavus ke non a ma napan a Matop Vih pe Sosoenën, pareß vavaasis non raoe a soe pe Apuh, e Ieesuß Kristo. E Pöl to teß me non o kikis pa Tuvuh Vasioß, ko hikta teß naöp non pa vatvus a soe me a hikta teß se soepip poan.